O municipio do Grove está situado ao sur da Ría de Arousa, formando límite entre este e a Ría de Pontevedra. Ten unha extensión de mais de 21 Km e a súa poboación é de 11.500 habitantes, distribuídos en diversos núcleos.

Está constituído por unha península e unha illa; o seu relevo é chan e só é alterado por núcleos de granito que forman elevacións, entre os que salienta o Con da Siradella, ao leste, con 166 m. de altitude. O istmo da península é unha lingua areosa de 2 Km. de lonxitude e na súa zona central, e a súa formación foi recente: en mapas e descricións antigas, O Grove aparece como unha illa.

A temperatura media no inverno é de 14 ºc e en verán de 24 ºc, e obsérvase un forte déficit de precipitacións de Abril a Setembro, sendo con moita diferenza os meses máis chuviosos Novembro, Decembro, Xaneiro e Marzo, nos que se rexistran a maioría dos 1.ooo m.m. de precipitacións anuais do municipio.

Estando rodeado por un mar excepcionalmente rico, é de estrañar que a súa explotación constitúa a principal actividade económica. Embarcacións de pequeno tonelaxe, adícanse á pesca de peixes, moluscos e crustáceos, entre os que salientan a pescadilla, xurelo, faneca, abadexo, rodaballo, polbo, xibia, nécora, camarón (quisquilla) e centola. Tamén os seus bancos de moluscos son excelentes especialmente os de ameixa, berberecho e navalla, sendo recollidos artesanalmente coa marea baixa por unha lexión de mulleres armadas de ratrillos, sachos e legones.

Paralelamente á recolección artesanal de moluscos, o cultivo destes parques e viveiros, chegou a ter unha enorme importancia económica na zona. Esta realízase en viveiros flutuantes, chamados bateas, salienta especialmente a produción de mexillón e ostras.

A comercialización dos produtos de pesca e marisqueo realízase na lonxa, situado no porto do Grove e que aconsellamos visitar.

Arredor do mar concéntranse outras importantes actividades económicas do municipio: a industria conserveira, a construción e sobre todo o turismo, no que O Grove, en compañía de Sanxenxo, ocupan un destacadísimo lugar entre os destinos turísticos da comunidade galega.

As festas no Grove:

  • Virxe do Carmen , en torno ao 16 de Xullo , de gran devoción entre a xente do mar, organízanse catro días de festexos, con procesións marítimas na que participan os barcos de pesca engalanados, con fogos artificiais, verbenas, actuacións folklóricas, etc
  • Festa do marisco a mediados de outubro (do sábado anterior ao domingo posterior da Virxe do Pilar) declarada de Interese Turístico Nacional, que se celebra desde 1.963. Durante nove días pódense degustar todos os mariscos da ría nos restaurantes e nas casetas que se habilitan no porto, a un prezo baixo e con abundantes mostras folklóricas.
  • A nosa Sra da Lanzada o último domingo de Agosto, romería nas postrimerías da fermosa ermida, festa chea de maxia co seu ritual baño das nove olas para a fecundidade.

Outras festas en localidades próximas ao Grove

  • A nosa Sra das Cabezas , no Mosteiro de Armenteira (20 Km.) Luns de Pascua.
  • Festa da Raia en Portonovo (13 Km.) Venres, Sábado e Domingo de Ramos.
  • Día da Muiñeira , en Pontevedra (35 Km.) Último sábado de Maio.
  • Festa do Viño do Salnés , en Barrantes (21 Km.) Primeiro sábado de Xuño.
  • San Xoán . Cacharelas (fogueiras) por todos lados, con sardiñas asadas e cachelos. Especial Interese a de Poio (30 Km.) 23 e 24 de Xuño
  • Festa da Solla , en Catoira (43 Km.) Véspera do 2º domingo de Xullo.
  • Festa da Ameixa , en Carril (36 Km.) Domingo anterior ao 16 de Xullo.
  • San Benitiño , en Lérez (Pontevedra) (37 Km.). De Interese Turístico Nacional. 11 de Xullo.
  • Festa dos Callos , en Mosteiro-Meis (23 Km.) Domingo máis próximo ao 11 de Xullo.
  • Festa do Viño Albariño , en Cambados (22 Km.) de Interese Turístico. Primeiro domingo de Agosto.
  • Romería Vikinga , en Catoira (43 Km.) de Interese Turístico. Primeiro domingo de Agosto.
  • Festa do Mexillón , en Vilanova de Arousa (28 Km.). Primeiro domingo de Agosto.
  • Festas da Peregrina , en Pontevedra (35 Km.) Mediados do mes de Agosto).
  • Festa de San Roque , en Vilagarcía de Arousa (33 Km.) 16 de Agosto
  • Festa de SanRoque, en Combarro (28 Km.) 16 de Agosto
  • Día do Turista , en Sanxenxo (15 Km.) 25 de Agosto.
  • Festa da Ostra , na ermida da Nosa Sra da Lanzada (9 Km.) Penúltimo domingo de Agosto.
  • Festa da Ameixa , en Campelo-Poio (33Km.) Terceiro domingo de Agosto.
  • Procesión marítima do Carmen , na Illa de Arousa (33 Km.) 1 de Setembro.
  • Santa Rosalía , en Sanxenxo (15 Km.) 3 a 5 de Setembro.
  • A nosa Sra da Mercé , en San Juan de Poio (32 Km.) 24 de Setembro.
  • Romería de San Simón de Baión, en Vilanova de Arousa (28 Km.) de 28 a 30 de Outubro.

Mercadillos:

Luns Sanxenxo/Pontonovo

Martes Vilagarcía/Combarro

Mércores Cambados /Valença do Minho

Xoves Portonovo/Sanxenxo

Venres O Grove/Vilanova

Sábado Vilagarcía/Cambados/A Illa

Domingo Padrón

Pontevedra: 1, 8, 23 de cada mes

A pedra (Vigo): A diario ata as 14:00

Meaño: 1º e 3º Domingo de mes

Meis: 2º e 4º sábado de mes.
Guía de praias Ministerio de Medio Ambiente