Este ano presentamos unha novidade dentro das nosas actividades, un Acampamento de Ocio e Tempo Libre en INGLÉS.
Pretendemos que os nenos e nenas gocen da lingua inglesa nun contorno diferente ao escolar. Que aprendan a xogar e a comunicarse noutro idioma superando así as dificultades iniciais e sobre todo que exploten os recursos e coñecementos que xa posúen en base ao nivel que adquiriron.
Para iso utilizaremos xogos, talleres, clases lúdicas de inglés, saídas á praia, xogos na monte, etc, como os recursos e os momentos para practicar Inglés.
DESTINATARIOS: Alumnos/as desde 3º A 6º de E. Primaria con ganas de pasálo ben e aprender.
DATAS: Fins de semana (de venres a partir das 19.00h ata o domingo ás 18.00h)
Todas as actividades serán levadas a cabo de forma lúdica, onde o neno e a nena participarán activamente e sempre tendo en conta o nivel base que posúen. As actividades e clases serán levadas a cabo por monitores cunha ampla experiencia previa neste ámbito.
Como acampamento de Ocio e Tempo Libre, ademáis das clases, poderán gozar das canoas, iniciarse no manexo de papaventos pilotables ou ben facer uns paseos submarinos (snorquel) con traxe de neopreno. Ademais dos xogos de praia e de monte que os nosos especializados monitores ten programados para gozo e aprendizaxe dos nosos participantes.
Ofrecemos:
Aloxamento en réxime de pensión completa..
Calidade nas nosas instalacións e menús.
Profesionalidade, con persoal especializado.
Experiencia que nos avala desde o ano 1993 traballando con nenos e mozos.
Seguridade, en todas as actividades, ademais dun Seguro de Responsabilidade Civil.
Mínimo 20 e máximo 50 participantes
Prezo: 64 €/ paticipante (Ive incluído)
Praza gratuíta por cada 25 participantes
UNHA VEZ FORMALIZADA A INSCRICIÓN E RESERVADA A PRAZA FACILITARASE AOS PARTICIPANTES MÁIS INFORMACIÓN.
Adaptando cada programa ao curso escolar dos participantes, o noso equipo de monitores pretende aportar aos rapaces e mozas dun modo educativo e lúdico os principais compoñentes da problemática ambiental actual.
